Budaya Penca nyaeta mangrupa
ibingan atawa igel, hiji olahan gerak anu dumasar kana pokok jurus anu
ditabeuhan ku kendang penca atawa kacapi suling. Jurus-jurus eta direka jadi
ibingan anu make wirahma itungan 4, 5 jeung 7 ditungtungan ku goong anu disebut
kempul. Anu di maksud ibingan tepak tilu nyaeta ibingan anu ngagunakeun 4
gerakan ditungtungan ku goong (kempul), ibingan peleredan nyaeta ibingan 5
gerakan ditungtungan ku goong, ibingan tepak dua nyaeta ibingan 7 gerakan anu
ditungtungan ku goong.
Ibingan mangrupakeun kembang tina
jurus, kalawan diolah jadi gerak anu luyu jeung wirahma sarta gerakanana
ngandung simbul jurus anu katempona kacida alusna matak genah katempona, make
gerakan anu lemes jeung heuras kumaha perluna bae.
Ibingan anu hade kudu boga jalan
carita anu luyu jeung kahirupan urang sunda buhun. Aturanana kudu :
1. Hormat heula, rengkuh, nandakeun
yen urang teu boga niat goreng estu hayang silih pikanyaah, silih asah, silih
asuh jeung sasama manusa. Musuh hiji loba teuing, sobat sarebu saeutik teuing.
Sikepna rapetkeun dua leungeun dina dada jiga rek nyembah
2. Sikep jeung niat anu hade, hatena
buleud gambaranana/kembangna :
3. Kuda-kuda anu panceg (teguh iman
jeung niatna)
4. Pasangan anu pantes, sarta panon
lempeng ka hareup (buleud hatena) nandakeun gede wawanenna.
5. Ngalaksanakeun pagawean naon ?...
Contona: ngala lauk ka laut.
Gerakan
ka hiji : ngadorong parahu ti darat ka laut (bisaku jurus Munding Rongga)
Teruskeun
neundeun parabot terus naek parahu
Ngawelah
ka tengah laut, pasang layar jeung sajabana.
6. Nahan goda atawa cobaan alam,
contona ku angin jeung ku ombak anu gede, pek jieun jurus ibingan anu cocok
jeung pantes. Urang usaha satekah polah ngalawan eta halangan (cadu mundur
pantang mulang), satiap gogoda kudu diperangan. Hasil atawa teu hasil gumantung
kana pagawean urang, tabah jeung henteuna, sabar jeung tawekalna, iman jeung
taqwana ka Alloh.
Pek jieun jurus saolah-olah urang
ngalawan musuh anu nyata, anu hakekatna ngalawan syetan anu salawasna
mangaruhan hate urang kana jalan anu goreng.
"Naha lain kami geus maparin
pang wawadi kamaraneh yeuh anak incu Adam, supaya maraneh henteu aribadah ka setan?
Saestuna setan teh musuh anu tetela pikeun maraneh" (QS Yasin 60).
7. Kagumbiraan digelarkeun dina
padungdung anu dinyatakeun ku budi anu luhur, roman anu marahmay kusabab geus
bisa nalukeun setan dina diri urang.
8. Salam akhir sarua jeung ngahormat
dina no. 1 di luhur
0 komentar: